Actividades en Galiza
O programa Galicia en Brest percorrerá algunhas das principais vilas galegas para dar a coñecer a relevancia da presenza do noso país nesta feira marítima e tamén algunhas das tradicións marítimas máis salientables do país.
Os obxectivos destas actividades, nas que participan a Consellaría de Cultura e Deporte e a Federación Galega pola Cultura Marítima e Fluvial, son os de promovercionar a cultura marítima e fluvial galega e poñer en coñecemento dos galegos e galegas a importancia da presenza de Galiza como país convidado de honra na Festa Marítima Internacional de Brest, o máis importante evento mundial de cultura marítima.Itinerancia
- 1 de xuño nos Xardíns de Méndez Núñez na Coruña
- 8 de xuño nas Coruxeiras en Ferrol
- 15 de xuño na Ferrería de Pontevedra
- 22 de xuño no Paseo de Bouzas en Vigo
- 29 de xuño na Alameda de Santiago de Compostela
Todas as actividades desenvolveranse entre as 12.00 e 20.00 horas no lugar sinalado para cada cidade.
Actividades previstas
- Mostra de embarcacións
- Emprazamento en lugares destacados das vilas de embarcacións tradicionais: bucetas, dornas, gamelas curuxeiras e faluchos para o goce dos máis pequenos.
- Exhibición dos traballos de recuperación dunha embarcación orixinal: unha "canoa de Fisterra".
- Exposicións
- Paneis divulgativos de Patrimonio do vento e do sal.
- Maquetas
- Presentación de 5 maquetas de embarcacións tradicionais achegadas polo Museo do Mar.
- Obradoiro de gamelas
- Os/as nenos/as poderán participar nos obradoiros de construción dunha gamela a partires dun recortable.
- Obradoiro "Xornada de pesca"
- Os máis pequenos aprenderán a distinguir especies e a facer escollas ecoloxicamente sostibles.
- Proxeccións audiovisuais
- "Espírito da auga", o documental "Un mar de velas" e diverso material promocional sobre participación de Galiza na Festa Marítima Internacional de Brest.
- Carpinteiro de ribeira
- Exhibición da construción dunha dorna (esta actividade só terá lugar en Compostela).
- Distribución de material de divulgación
- Publicación Galiza en Brest, tarxetas postais, pósters, pegatinas, camisolas, bolsas e folletos de Brest.
Exposición
