Noticias
A DELEGACIÓN GALEGA PROCEDEU Á BOTADURA DUNHA DORNA
Galicia amosa o mellor da cultura do mar no seu día grande en Brest
16/07/2008 Galiza amosa hoxe ao mundo o mellor da súa cultura do mar na Festa Marítima Internacional de Brest, o maior evento mundial deste tipo, que se celebra cada catro anos nesta cidade bretona. A programación especial do Día de Galiza arrancou ás 11 da mañá co acto institucional no que participou a conselleira de Cultura e Deporte, Ánxela Bugallo, xunto co alcalde de Brest, François Cuillandre, e o vicepresidente da Federación Galega da Cultura Marítima e Fluvial (FGCMF), Víctor Fernández. A xornada dedicada a Galiza supón un recoñecemento ao seu papel de país convidado de honra nesta edición da festa.
AS EMBARCACIÓNS GALEGAS CHAMAN A ATENCIÓN DO NUMEROSO PÚBLICO
A prensa bretoa destaca a presenza de Galicia en Brest
14/07/2008O xornal Le Télégramme, un dos dous principais xornais en Bretaña abre o seu suplemento especial sobre a Festa Marítima Internacional de Brest cunha imaxe sobre a delegación galega. O outro xornal de referencia, Ouest France tamén destaca a presenza galega, que se sitúa xusto no corazón do que é o maior evento de cultura marítima do mundo.
O VILLAGE GALICIA ACOLLE A NUMEROSO PÚBLICO INTERESADO POLA NOSA CULTURA
Galicia inaugura a súa presenza na Festa Marítima Internacional como convidada de honra
11/07/2008 Esta mañá deu comezo a Festa Marítima Internacional de Brest, o maior evento do mundo de cultura marítima, na que Galicia ocupa un lugar principal como país convidado de honra (a primeira vez para para un país que non é estado) no medio dun ambiente festivo e cunha importante afluencia de público.
A FROTA E A DELEGACIÓN GALEGAS XA ESTÁN EN BREST
A Festa Marítima Internacional comeza mañá con Galicia como convidada de honra
10/07/2008A delegación galega xa está en Brest ultimando os preparativos para a inauguración da Festa Marítima Internacional, que terá lugar mañá. As embarcación están amarradas no peirao ao carón do Village Galice, o espazo onde Galicia desenvolverá o seu programa de actividades. Como medio de promoción da nosa cultura marítima, distribuiranse 50.000 exemplares dunha publicación especialmente deseñada para este evento.
PARTE DA DELEGACIÓN DE GALICIA RECIBIRÁ AS EMBARCACIÓNS NA CIDADE BRETOA
A frota galega viaxa cara a Brest
07/07/2008A frota que vai representar a Galicia na Festa Marítima Internacional de Brest xa está de camiño cara a Bretaña francesa. As 25 embarcacións tradicionais galegas, a bordo de varios camións, irán chegando ao porto de Brest entre o 8 e o 10 de xullo. Mentres tanto, o Hidria Segundo, o barco de vapor orixinal que completa a frota galega, xa atracou no peirao da cidade bretoa.
SUMOUSE Á INICIATIVA PÚBLICO DE TODAS AS IDADES
Máis de 12.000 persoas participaron nas actividades de promoción de Galicia en Brest
30/06/2008A Coruña, Ferrol, Pontevedra, Vigo e Santiago acolleron exposicións, exhibicións, obradoiros e visitas a embarcacións tradicionais durante os domingos do mes de xuño. O programa de itinerancia Galicia en Brest deu a coñecer o patrimonio marítimo e fluvial galego polas principais cidades galegas como mostra da delegación que representará ao noso país na Festa Marítima Internacional de Brest en Bretaña (Francia), á que Galiza acode como convidado de honra.
| 1 | 2
Axenda
